Sep 09 – Isor, jun hi banaishe!

Genesis 1:1 surute Isor nirmaan kurishe swarg aru prithibi!

Amikhan laga Isor tu sob nirmaan kura laga Isor ase. Aru amikhan sob bi tai pora nirmaan kura laga ekta bhag ase. Aji laga din te bi tai pora nirman kuribo napara iku bi nai. Tai apuni karone sob bi bhal hisab pora banabole para ase.

Isor pora tai laga kotha di kene suraj aru chand bi banaishe. Gen 1:3 titya Isor koishe, hobole dibi ujala; aru tate ujala hoishe. Gen 1:11 titya Isor koishe, h,obole dibi prithibi te ghas, aru paudha juntu te guti dhure aru phal gash laga juntu eki kisim laga dhure, aru juntu laga bijon hi prithibi te ase; aru itu nisina hoise.

Hoilebi Isor amikhan ke bana homoi te bishi alag hisab te banaishe. Genesis 2:7, te amikhan puri she ki Isor manu ke bana tu niche laga mati pora hi banaishe, aru amikhan ke nak pora sas dishe, aru tate pora hi manu jibon paishe. Isor jun hi kotha pora hi sob banaishe, tai amikhan ke tai laga pehchan te banaishe, aru amikhan laga swarg laga baba ase.

Kilekoile Isor apuni khan ke apuni laga pehchan te banaishe. Apuni khan kitya bi inika bhabna kuribo nalage ki tai nirmaan kura laga tagot tu hek hoishe.

Tai swarg laga khana barish kuri kene jongol te Israel laga bacha khan ke dishe. Manna tu  pari khan laga khana ase swarg te jitu tai Israel laga bacha khan ke dishe. Kinika isor pora 5000 manu khan ke, pas ta loaf aru pas ta mas pora khabole dishe? Aru itu kinika ase ki 12 ta tokri te khana khilai kene bi bachi ja tu? Itu sob tu Isor logote banabole laga Shakti ase.

Prophet Jonah karone Isor tu bishi morom thakishe. Jonah 4:6 aru Isor pora ekta paudha banaishe  aru Jonah laga usorte ahibole dishe, aru itu ke Chaya hobole dishe ki tai itu dukh pogra ulabo nimite . toh Jonah tu bishi khushi hoishe itu paudha karone.

Kinika itu paudha achanakmdangor hoishe aru Jonah usorte bi ahi kene tai ke Chaya dibole parishe aru tai ke itu dukh pora bachaishe. Arubi it utu Isor laga Shakti hi ase.

Aji  bhabna kuribole laga pobitro kotha tu hoile Isaiah 54: 5 apuni khan ke banai diya malik apuni khan laga motsa nisina hobo, jun lagan am pormeshwar Jehovah ase . Israel laga pobitro Isor auni khan  ke bachai dibo,  tai hi pura prithibi cholai thake.

Article by elimchurchgospel

Leave a comment