SEP 06 – UGGAR-LUNG-BENJI KRISTUN A SANABYUN DAKUNETE!

“Bar uggar-lung-benji Kristun a sanabyun dakunete; Kuni apsele amben bo d’ong lingan ganudingan a hangle; Bar senle senle dakunaba” (Kolossi 3:15).

Anlen ogandiben dete mandrengna-ling-len do j’ee-ling-len iten ambrij daku? Kitungan asanabyun daku orde, anappai Pol agameten ambrij, lanangkaban akarda-ling? Orde duaih daku, bananraban, rurdin do koranan, sonuman pangaiten? Kitungan maih asanabyun daneben dete j’ee-ling-len.

Agante Kitungan j’ee-ling-ben danete do j’ee-ling-ben agarobgob-ling gobte, Marid Janggardan ja tete dakute, Janggardan aj’o ja dakute. Bindo agante amben sonuman a d’ong darakuna atiyte j’ee-ling-ben, eteden Kitunglen Jisun do Marid Janggardan danukan batte bairaban dunglen j’ee-ling-ben saring yirteji. J’ee-ling-ben atrangdi-ling sonuman dakuten, tette sattang ja’adan, kandudan do kambunan yeryermanegban dakutenji.

Egale bo desan kan ambrij berna dakuteji danebaran abmele. Abaranji do alanumanji kun aberna ambrij dakute. Gamlenden, bogad bo desan bo ompun batte dane baran alumtenji ambrij, kuddub alunumanji anosaijanji do anogangdinji ambrij dakute. Anten asan, ite aompu janang dane-lingan yiraiji atikki, abernanji ambrij abaran dakute. Kan ambrij baralenji lanumlenji ambrij Kitunglen ja lumte, bogad Ayengan a Kitung asanabyun, j’ee-ling-ben danelenden. J’ee-ben Kitungan asanabyun batte barij dete.

Enegoi ateng mandranji adnogandieji buten amang-linganji dane-ling daku gamle ijapo? Kan asan jajingante adesaji aganijgij-linganji eryarangmar deteji. Bar ateng desanji, aninji aniyomanji ambrij dakute, banagimaranji abernadam buteja adnamdagenji.

Anappai Pol agameten ambrij danemaranji do govornormaranji ate, Greek batte “Brabeueto”. Kan aberna andidnan ayam hangramleji, do gamlenden andidna-lingan agijgijten amandran. Bogad Kitungan asanabyun, d’ong-ling-ben agijgijten ambrij dakuleden, mandrengnaben sarigoi dakute. Anten asan, j’ee-lingan Kitungan dakubendete, do Kitungan asanabyun-ling adakunaben iten iten sanaisai anten ate ogandeben dete.

Bogad buteja amandrengna Kitungan asanabyu-ling adakulenden, iteja hangdrangan agassa, ordar-lingan anin bittimar dakuleja. Anin Bogad Kitungan asnabyun barij dakubendete, eteden Jisu Kristun mang-ling-ben danete.

Tanahimdam Kitungan a onagji, lanumudan saring dunangdungling sanabyuban yiraiba. Eteden Kitungan asanabyun mang-ling-ben dakuten.

Okiy Kinolbe absele: “Amben jandrumsengban orde kandrabardisengban a lartenan adnang, seletten l’ud-ben kandungba-ben saring kan a bernan amdangte, kani na godan; kani lingan hanaba” (Jisaya 30:21).

Article by elimchurchgospel

Leave a comment