Sep 04 – DEVETHI SAMADHAN

Romavalun 5:1 “Jethi apan Viswasethi Niyathedhar vege jethi, apan Prabhu Yesu Christhuthi Devema samadhan paldeju “.

Sasij DEVETHI samadhan padero ghano moto vaath vencha. Devethi raaji padatho thon Vothi samadhan malacha, janna thar jeevanema avajako sey paristhitivun nishphal Vejavacha. Abba asso shanti ann samadhan DEVETHI apanen ku maliye? Katho ,Yesu Christhu Prabhu vodeethij apan DEVETHI samadhan padeja.

Katha vatho dee gumpu vaal ladaayi marukarachko vunden Theenmo gumpu vaal raaji padavjanna votha doyi gumpu vaal samadhan Vejavacha. Hanno raaji padachayeval vo dee katmalema chajako reesen kanaken shanthithi banchaju karacha. Hanno raaji padachayeval jagema kathraiko avasaram vencha.

Yedoner baagema Adaman Avva Dever dallen ghano ghaav ghalnake kukan katho vo doyi bhalan Dever vatheyhi jaada saaper vaath mane ann karmath kojako Dever vathen karthanu paap karan Deven dhuk ghale. Asso moto aparadamethi manikya DEVETHI sahavaas ann sambhand tholdinocha. Vothij manikyama Shanthin gamalinecha.

Devethi raaji padan Vothi bhalan renu katho apaner paapen sen maap punchan, paapesaru paschathap padatho thu Devethi samadhan payechi. Apaner paapen maap kukan malacha? Katho, vachanema lakkan cha loyi redanaju paapen maap maleni. Vorvaasuj Yesu Baapu apaner paape saru Vor jeevanen calvaari siluvama havaal karnaken apan kidejako sey papen dhonako.

Yesu Christhu apanena ann Baap chajako Dever vacha madyavarthirnai samadhanena ann shanthin Layevaalo cha. Kunvatho Vor Loyeema paapen Dhoramelechko vunden seni Krupasanmekan lavacha.  Yesu Christhu Vor Loyeema manikyar paap maap karan DEVETHI samadhan karacha.

Yee saaspanaj Martin Luther Kingena vor jeevanen badlavani karnaki. Vu Baap chajako Devaj Niyathero Nevkarevalo keldotho vorpachadir daadema vu kalalido kaikatho, Yesu Christhuj DEVETHI manna madyavarthirnai cha,janna vu ko ‘Niyathedhar Viswasethi banghacha’. Vothi von kathraiko khushi malgi.

Maar premer bhai bando thu sada saaso DEVETHI samadhan venu Kelastho Yesu Christhuj thon DEVETHI samadhan karevalo cha.

Aaji jada dhyan karena; Romavalun 5:11 Vu athraj koni abba raajivero apanena malaju kido jako, apaner Prabhu Yesu Christhuthi apan Devema Anand parecha.

Article by elimchurchgospel

Leave a comment