Appam - Nagamese

Mar 22 – JUDHO KHAN ASE ISOR LAGA!

1 Samuel 17:47 “tini hoile itu pura sabha janibo ki Isor pora nabachai tarwal aru jathi pora; kilekoile judho ase itu Isor laga, aru Tai pora dibo apuni ke apuni laga hath te”.

Samarpit kora apuni laga judho khan ke aru apuni laga poristhitei ke Isor ke, ase ekta dangor rahasya jit karone. Apuni hodai itu ghoshna koribo lage ki “itu judho ase Isor laga” koi kene. David kitya bi bhabna koranai tai laga judho khan ke nijor koi kene. Aru Tai laga ghosna biswas laga inika thakishe: “itu judho ase Isor laga; dushman tu haar hoishe; aru jit ami khan laga ase.”

Jitya bi iku jadu nahoile bi atmakarik nahoile biya khan thi ase apuni laga khilaf te, rakhibi Isor ke agete itu sob samasya khan laga; aru apuni dikhibo apuni laga suku logote biswas laga ki Isor hodai hi iha kori ase lorai koribole apuni karone.

Swarg tu Tai laga rajyo ase aru prithibi Tai laga theg rakha jaga. Judi bi dushman ase dangor Pharoah nishina, nahoilebi tagotwar berakhan Jericho nishina, tai khan khara koribo naparibo khilaf te Isor laga. Tai laga samantar iku bi nai. psalms likha David koi, “Isor duth khan laga ase ami khan logote; Pormeswar Jacob laga ase ami khan laga ashray. Selah” (psalm 46:11). Isor pora sahi koribo sob juntu apuni chinta kore (psalm 138:8). Hoi, morom laga bacha khan Pormeshwar laga, judho ase itu Isor laga.

Kunuba khan ase jun khan kuchis kore lorai koribole tai khan laga judho ke nijor laga tagot aru gyan pora. Nahoile tai khan nirbhar koribo manu ke prabhav thaka laga jinika police aru wakil khan ke; aru hekh hoi kasht aru dukkh te. Pobitro kotha ami khan ke koi, “Moses  koishe manu khan ke, “na hobi bhoi. Khara thakibi thik, aru sabi mukti ke Isor laga, untu Tai pura koribo apuni karone aji. Kilekoile Egyptians  jun khan ke apuni sai aji, apuni nasabo duara hodai din karone. Isor pora lorai koribo apuni karone, aru apuni dhuri thakibo apuni laga shanty” (Exodus 14:13-14).

Itu iki Moses, atit te kuchis korishe lorai koribole tai laga judho khan ke nijor laga tagot te, morai dishe ekta Egypt  manu ke aru puti dishe tai ke balu mati te. Aru bhoi kori kene ki tai laga itu harkat ke pharaoh pora janibo koi kene polai jaishe mati pora Egypt laga. Hoilei jitya tai nijor laga pura judho ke dishe hath te Isor laga, Isor dubai dishe sipahi khan ke Egypt laga, tai khan laga rath gari aru ghor kkhan ke Lal samundar te.

Ki ase rhasya jit laga Jehoshaphat te. Jitya dangor sipahi khan dushman laga ahishe judho te khilaf te tai laga, tai ini samarpti korishe dushman khan ke aru judho ke hath te Pormeshwar laga, aru nijukt korishe ekta sangathan gana koribole Isor ke aru prashansha koribole sundarta ke Tailaga pobitrota ke. Aru jitya tai khan shuru korishe gana gabole aru prshansah koribole, Isor lagai dishe tai khan ke nijor laga khilaf te, aru dushman khan nijor ke hi mora mori korishe. Isor laga bacha khan, samarpti koribi Isor ke aru mangibi Tai ke orai koribole sob apuni laga judho khan ke aru samasya khanke.

Aji dhyan koribole laga pobitro kotha tu hoile 1 Chronicles 29:11) “apuni laga, O Isor, ase dangor hua, shakti aru mahima, jit aru divyakari; kilekoile ji ase swarg te aru prithibi te ase Apuni laga. Apuni laga ase rajyo, o isor, aru Apuni ke uncha kori di ase sobse dangor sob uporte.”

Leave A Comment

Your Comment
All comments are held for moderation.