June 15 – Achurit pabo

Joshua 3:5 Joshua manukhanke koise, “Apunikhan nije ke nije pobitro korilobi kilekoile kali jehova apuni Khan laga usorte achurit kam Khan koribole ase.”

Kile apuni toh pobitro jibon thakibo lage? Jitya apuni pobitro jibon thakibo, apuni titya hi achurit kaam Khan dikhibo isor para kora. Jitya manu ekta isor usorte ahibo  kuchis kore, titya isor tu taike ekta pobitro jibon thakibole bhabna kore.

Kile manu Khan para koi jitya isor tu achurit kaam ami laga parivar te kuribo titya hi ami Isor k Mani bo? Ami Jisu ke sheva kuribo jitya tai amike kam dibo. Ami khan Isor k manibo jitya ami k lora bacha dibo aro itu nisina alag alag kotha koi. Tai Khan nijor para kisim kisim kotha banai.

Hoile bi pobitro kotha te ki koi? Sobse poila apuni Khan nijor ke sapa kuribo lage. Itu pichete hi apuni Khan isor laga achurit kam rukhi bo paribo. Matt 6:33, isor laga rajyo hi bisaribi titya hi apuni ki lagi ase sob isor para dibo. Isor laga hosa toh tai laga pobitro para hi ase.

Ekdin ekta pastor tu ready hoi thakishe, revival te jabo nimite, kun para itu para itu program kuri ase tai para koishe, “pastor, manu Khan toh apuni para achurit kaam rukhi ase de. Aru changai, shakti aru biya atma para bachai diya, toh itu karone tayar hoi ahibi”. Pastor bi itu karone pratna kurishe.

Jitya itu pastor ghutna te thaki pratna kurishe manub khanke chamatkar dikhi pabole. Titya Isor para koishe, ” ami toh achurit kam kuribo tayar ase, hoile bi itu manu Khan hi paap rasta chari kena sapa jibon thakibo le tayar ase na nai?

Joshua 3:5 te koa nisina, “apuni khan  nije ke nije pobitro kori lobi kile koile kali jehova apuni Khan laga usorte achurit kam Khan kuribole ase.” Exodus 9: 10,11 te koa nisina, isor para Moses ke koishe dui din te tai laga manu khanke sapa kuri dibi aro ami apuni k mount Sinai te sob manu uporte uncha kuribo. Jitya apuni Isor para koa hisab te  thakibo aro nijor ke sapa rakhi jabo, titya Isor tu kuribo ase apuni jibon te tai itu narukhi kena koribo.

Oh isor laga bacha Khan, ki apuni laga jibon te duk digdar komti nohoi? Isor laga theng te thaki kena nijor k sapa kuribi. Jun para hagor maje te bi tai laga bacha nimite rasta banai dishe, tai apuni laga jibon te bi achurit kam kuribo.

Job 9:10, tai kiman dangor dangor kamkhan kori ase amikhan itu Khan ke buji bole nohoi, aru tai laga achurit kam Khan kitya bi khotom hobole nohoi.

Article by elimchurchgospel

Leave a comment