July 29 – Kilkilnaba!

“Kinsodanji abmele kilkilnaba” (Pilippi 3:2).

Kitungan a ganalambiran Bibol-lingan anlen abmele; bar, a janzbjzb-biranji ja tiyaite; m’anpih-lingan sanittan tiylangte. Janzbjzb-lingan sanabyem jananang daku. kan ambrij ayam-lingan, anlen Kilkilnabe abara.

Ategoi okiy kznol-labenden, Bibolan gamte, “Kinsodanji abmele kilkilnaba.” Tinne Kinsodanji abirna gadlamlangte aboi jongtu arobjong-bir. Bo ragal biran batte d’ong-len ganudingan adele ate Janggardadage abirna do agaja jongtu batte arobjongan addelangne. Kinsodan er bangsa jongtu abeite ate ja jumte (Bangsa Hanang 26:11). Anegoi ateng pintuben tanamadan dele kun a pintun adyarnai mang-ling-ben. Yan gamle pintun a dane lingan okij mandrengnan abhanatabe? (Romi 6:2).

Ogandile gijba kam-medan orde kambunan senda-lingan galu-ling-den. Kam-medan dungnaben abmele tagoran saite, d’ongan abudnate do adild’ongan da-an batte gijdate. Bindo kabunan ate kotin joban batte dakute. Bogad bahiraba tanaban dele janang, kottin dakunaben itsumte. Mandrengna abananda abmele, pintun paningba dele Kitungan atemangle do tanamadan adele ate Kinsodan na ambrij abirna. Jisun Gamete, “Itente mariddam antate kinsodanji a d’ong a tiydong” (Mattiu 7:6). Manariddan agaja er marid-lingan addakune. Amben Kitungan a d’ong abm’oihle adrapte-ed bagu maneng lingan adakutenan a mandra.

Jisaya tumadgijmar marid gijtale. Bindo agante Kitungan atahar amangba yir-rai, anin galamlete jajzngante ate amnglengan Kitungan adnisumen bara daku gamle. Anin edanete, “Ugai, ugai hen s’zdtih! Iten asan gamlenden hen er marid usaltam maran, do er marid usaltam jattinji amang lingan hen basutai.” Kitungan kun ambrij ate Jisaya amang saring table s’zdeten. Seletten kirubanji amang saring aboi kiruban garabturan a s’I lingan hamle, kanub aranggan saring hamang arardetudan table pangle, a usaltaman jable do a ersznji ganosodan dele.

Kitungan d’ong-ben abdainate agante amben er maridan saring umdrengle ayirtai. Bibolan gamte, “Anten asan aninji amang saring dunglen yiraiba, do ansadamnaba, gamle Gamangtungan gamete, do er marid janaban a jabdong. Bar hen jataben.” “Bar Hen amben apsele U’an detai, do amben Hen apsele onggeronan do inslo-onanji a dete, gamle barij ranaptidam Gamangtungan gamte” (2 Koritia 6:17,18).

Anab bagu biran kinsodanji ambrij kodi kota yerreteji do aninji abkoratenji (Sanenken 59:6). Tanahimdam Kitungan a onagji, pwrardanben abs’id-dong er marid biranji birlen do bigdaji mahangle. Bangsa birna oblingle bigdanji hadab adeten ambrij!

Kinolbe absele: “Ayengan a mandra anindaman a t’odan dandrabte anin a pwrardan rabrabte, bindo babbabtamber maran abs’zddamten” (Bangsa Hanang 13:3).

Article by elimchurchgospel

Leave a comment