July 29 – CHEKSILLU!

“Huising adu cheksillu, phattaba toubasing adu cheksillu, masa kakthat khottatpasing adu cheksillu” (Philippians 3:2).

Sastragi manung asida nangbu phagatnabagi machak lei, aduga chetna paigadaba wasaksing su lei, aduga haraoba piba ngamba bor sing su leibani. Pukning themjinbibagi wasakpiba su lei. Aduga nahakpu lamjingbigadaba niti niyomsu lei.

Mathakki sastragi wahei asina huisingdagi cheksillu hai. Masida hui haibasi sagi lamchatni. Nangbu yamna nungshiba phajaba lamchat leinabagi damakta koubirabani keidoungeidasu sagi lamchat chatkanu. Hui gi yamna tukkachaningai oiraba mahakki lamchat adudi masagi a oba phao chaba asini. (Proverbs 26:11). Nahakna pap kayabu thadokkhrabani aduga papsing adu nangonda amuk laktasanu. Eikhoi pap ta sikhrabasing asi karamna maduda hinggani.? (Romans 6:2).

Hameng amadi ok asi kom amada puthare haina lousi. Hameng aduna kom adudagi thoraknaba panggal areiba makhei puthoklaga hotnagani aduga mahakki hakchangda leikhom teiribasing adusu kanthoknaba hotnagani. Adubu  okti maduda adum leihounaba hotnagani. Madudagi louthokpa tarabasu mahak kom aduda adum leiningba phaogani. Eikhoina thadokkhraba pap sing adu eikhoigi punshida amukka leihanba haibasi hui gi lamchat ni. Jesuna hai, “ huisingda asengba potsing piganu”. (Mathew 7:6). Asengba mi adu amotpaga kuina hingminnaba ngamloi.  Iswar amadi taibangpan animak pu pel hanba suk ngam ngamloi.

Maichou Isaiah  adu  asengba ni haina ningjei. Adubu Iswargi manganna nganthoibiba matamdadi mahakki punshida Iswarna pamdaba mayam leirammi. Mahak asumna tengthakhi, “ Eihak awabanida maramdi  ei mangle. Eihak sengdaba chinban panba mini. Aduga eihak chinban sengdaba misinggi marakta lei. Iswarna madugi lamchat adu manghanba tabani. Cherubbim singgi marakta amana paire hairaga phankhongdagi araba meitan amada Isaiah gi chinban sokpiraga sengdokkhi.

Nahakna amotpa amadi amotpa charon suronsingdagi thorakpada Iswarna nahakpu wangna thanggatpigani. Sastrana hai, “ maram aduna nakhoi makhoisingdagi  tonganlu, sengdaba kari mata sokkanu, aduga eina nakhoibu lousinbigani. Eihakna nakhoigi napa oigani aduga nakhoi eigi ichanipa ichanupising oigani haina wangthoiraba Iswar aduna haikhi.” (II Corinthians 6:17, 18).

Huigi atoppa lamchatti nganglaga mapham khudingda koichat chatpa asini.(Psalms 59:6). Nungshiba Iswargi machasing pamdaba wa ngang laga nasana nasabu manghanganu. Misingbu pangbiba wahei khakta ngang-u.

Dhyan tougadaba: mahakki chin ngakselliba mi aduna mapunshibu kanbigani, aduga pang ngang ngangba midi mangtakkani.” (Proverbs 13:3).

Article by elimchurchgospel

Leave a comment