July 26 – Anlen Ertabe Guijtabe!

“Kun asan janang bogad anlen Anin ampara basulabenden orde Anin saring sangai dakulenben janang den, Anin a d’ong abm’oihben asan anlen ertabe guijtabe” (2 Korintia 5:9).

Kristu batte Damasika amanengba a hamle a denna saring Anappai Pol, Kristun a d’ong adm’oihle do Kristu lingan tiydamle. Kani agangte anin Korintia Kitungan aranukuba, anin gamle,  “Kun asan janang bogad anlen Anin ampara basulabenden orde Anin saring sangai dakulenben janang den, Anin a d’ong abm’oihben asan anlen ertabe guijtabe” (2 Korintia 5:9). Anin ayidol-le agaramgam “Iten asan gamlenden kuddub-len Kristun a bitsara garobgoban a temangban anabgijttan a deben detalen, yante gamle dile mandran bangsa ja er bangsa ja a tam lanuman ambrij d’ong lingan a lanuman a j’on rapti hangte” (2 Korintia 5:10).

Karahidan batte mandrengnaben adttakude, karahidan atikki, Kristun a bitsaraba tanangbe dete. Ordaralingan adakutenan adnang, mandrengnaben batte Kitungan a d’ong abm’oihben do dernadage do roitad gamle dakunaben dete. Eteden amben mandrengna ranubabab ayante do Kristu a bitsara garobgoban tanangle adnang erahid darakuna adanete. Anten asan, diletodorng abm’oihba.

Bo denna, bo Pastoron korojosing lingan panidan dele a desa lingan. Anin anabkalkalanji sahile adrabtiad. A uggaran ateng dukkadale. Bo denna korojosing danne maran a d’ongan gamle, “Iten asan amang kayatingdage anabkalkal-lingan yire? Tinne bagu intsolonji daku do a d’onganji aman kadhidlenden d’ong nam anumdrengan dete. “kun abara alumben ordiaten do bada hamle a kadhiben abmele oskainete.

Agante kun bagu tonanangji anurungan dele atimangba, gijan gijle anin rumangdale iten asan gamlenden kun tonanangji anablu ahangleji do aranuku saring kun bagu tonanangji. Aninji Pastron a d’ong gamleji, “Pastro, kanalkal ling nam kan ambrij alumben aman oskailing. Aman Kristun abmele oblinglelen do nami aman bada hamle tuaben abmele oskaile. Anlen Kristun a d’ong adnumdrengai kahidlelen janangan. Anlen aoblingtam tuablinglilenang atikki Kristun a timiyim lingan yernai. Anin a d’ong abm’oiha. Bindo aman yardongne”.

Kun pastron a d’onganji kabhidle. Anin ogandile kan bagu insolnji kabhidlahen atikki anuran hangtai gamle, bindo iten dele atikki agalamtepo. Anin akabhidle atikki korojosing a danne mar kun bada pangle do a d’ongan soile kadhidleji. Anin er banda monalingbe kun abara lumle. Tanahimdam Kitungan a onagji, kan ordarlingan bo mandreng sattan daku. kun bo mandrengna Kitungan a d’ong abm’oihben dete do a d’ongan timyimben dete.

Kinolbe absele: “Iten asan gamlenden bogad anlen m’englabenden, Gamangtungan apsele a m’engben detalen. Bar bogad anlen kahidlabenden, Gamangtungan apsele kahidben detalen. Anten asan bogad anlen m’englabenden ijjaden kahidlabenden, anlen Gamangtunganate” (Romi 14:8).

Article by elimchurchgospel

Leave a comment