July 21 – Hadab ayam!

“Bindo Lua neban saring kan arapsuiber galamba. Angante a kandaranji a ledeng bolaijolan gittate, seletten daga-ingan adamle, gmale amben a galamte” (Mattiu 24:32).

Enegoi hadab ayam riytai aboi saring aboi mihnum lingan, manoih do ragal ahadab ayam ate abandatenan ayam. Bananda ayaman kuddub mandranji omdele dakutenji.

Hadab ayaman ayaman do ayaman abmainate ragahigan. Morda ruble kuddub manengba ate amben agiyte. Kun ayam lingan, olanji galute do akandaranji gijtate, ontedanji agentenji ate gijtate bigada adesaba. Langa-gamle kuddub desanji gijtate morda arubte batte palu gamle.

Bindo bo denna ragahingan atakudben yir-rai, kun ayam abandatenan ayam. Tabme ganiyta dete kun ayamling. Asui ayam adenna, tarbanji gijtate tulab lingan. Ontedangji bigada ajaga saring kznkznzn kznle m’oihn ling dakutenji. Mandranji janang m’oihnteji kznkznan do tongsengan batte erdkatenji hadab ayamling. Kan Hadab ayaman abmele anlen kznolle raptitabe Solomon a kanen ling. “Lua nebanji a j’on a g’urben asan susute; drakiya lanamanji a bunderba a sanaruman harte. E tanimyimboi-hen, dzna yerai; dzna yerai; e langgiboi-hen, hen ampara yerai!” (Solomon a Kanen 2:10,13).

Kitungan a sangrangan batte sidrungboijan gudingte kun Hadab ayamling. Kitunglen ayirtahen abmele kan aramadan kun Hadab ayam abmele. “Nami lua neban saring kan arapsuiber galamba: Angante a kandaranji a ledeng balaijolan gittate, seletten daga-ingan adamle, gamle amben a galamte” (Mattiu 24:32).

Kan a lua neb aboi judanji abmele arabmadan. Amandrengna linganji absuite. Tabubda Jon bitsara enjuman lua neblingan anadjaban dele (Mattiu 3:10). Bindo,  Israel maranji bitsara Kitungan a enjuman umdrengleji, kun ate Judanji amangba yireten 70AC ayam ling. Judanji ad’ong anumdrengan dele. Aninji ad’ong Israel abairaba hanaman dele.

Bibol ganalam maranji omdile dakuji lua neban anidan dete orde Israel maranji yertinaji adarakunalinganji dakutenji. 19 sallo takudle. Nami, lua neban anidan deben dete. 14 tariko May angai 1948, Israel anuran dele do Hadab ayamling. Tanahimdam Kitungan a onagji, Kitungan gudingbente, “Denna, onhen E tanimyimboi-hen, dzna yerai; dzna yerai; e langgiboi-hen, hen ampara yerai!”

Kinolbe absele: “Aman oskaina, amandaman oskaina. Aman do aman ampara a kuddub ompu-namji adamban rukkunaba do aman aninji a turtur mar dea” (Ejekiel 38:7).

Article by elimchurchgospel

Leave a comment