July 17 – DANIEL GI THAJABA YABA!

“…mahakna thajaba yaba punshi hingbana maram oirag makhoina mahakki maral amatta su phangde; aduga  mahakki mathak ta kari amatta su asoiba phangde.” (Daniel 6:4).

Eikhoigi Iswardi thajaba yabani. Mahakpu nungshijaba asengba mi khudingmaksu thajaba yaba punshi hinglammi haina eikhoina uba phangi. Eikhoina thajaba yaba Iswargi manai kayagi punshigi maramda dhyan touduna lakle. Ngasi Daniel gi thajaba yaba punshigi maramda dhyan touminnasi.

Danielbu maral sinabagi damakta kangbu ama  leirammi. Phattaba misingna mahakki mathakta  phattaba sarou sillaga leirammi.  Makhoi icham chamba mising natte. Sastrana haibagi matung inna  leingakpa mapu phaonasu Daniel gi aranba khangdoknaba hotnakhi. Adubu kana amattana Daniel gi aranba phangba ngamkhide. (Daniel 6:4).

Satan gi maming mayam gi marak ta mahakki ming ama adu “ eikhoigi ichin inaosing bu lanna maral sibiba mapu” koubani.(Revelations 12:10). Adubu Daniel di Iswar, mi amadi ningthou gi mamitta thajaba yaba oina hinglammi.

Iswargi wasakpiba adu karino?  Nangna apikpa potsingda thajaba yaba oirabadi mahakna ayambada nahak sinnagani. (Mathew 25:23).Babylon da Daniel bu purakpa matamda mahak Iswargi mangda  thajaba yaba mit ni haibasi Iswarna khanglammi. Ningthougi chinjaksing charaga masana masabu manghanjadanaba masana warep loujaba adu Iswarna khangbikhi. Maram aduna Iswarna mahakpu ayambagi achou achouba thabak ta sinnakhi. Ningthou kaya lakkhi aduga chatkhi adubu Daniel di asum asum chaokhatlaga awangba pham pairaga leirammi.

Nungshiba Iswargi machasing nahaksu Daniel gumna  thajaba yaba punshi hingba ngamgadra? “ Maramdi  Jehovah romda thamoi chumjaba makhoigi damak, mahakti akanbani haiba utnanaba mahakki mi malem apumba sinthungna koiyeng yengi. Masida nahakna apangba thabak toure. Maram aduna houjiktagi houna nahakna lan soknagani.” (II Chronicles 16:9). Ningthouna su Daniel gi thajaba yaba adu khangbikhi. Mahakna asumna koukhi, Daniel Daniel , nangna tattana seba touriba Iswar aduna nahakpu nongsagi kayattagi kanba ngambra”?.

Danielna karamna khumbage nahakna khangbra? Danielna asumna khumkhi, “ he ningthou , kuina punshiyu, eigi Iswarna mahakkki swargadut tharaktuna nongsasingna eibu soktanaba makhoigi machin mensinlle , maramdi mahakki mangda eigi iran leitaba adu phangle aduga he ningthou, nahakki mangdasu eina akaiba amatta toukhide.” (Daniel 6:21, 22).

‘Thajaba yaba haibasi Christian gi punshi da yamna maru oiba amani. Davidna asumna ikhi, “  Nangna  manungda achumba oiba adu pammi.” (Psalms 51:6). Nangna mi amadi Iswargi mangda thajaba yaba matamda Iswargi matik mangal oigani. Nahakna hotnajaba adu maipakkani.

Dhyan tougadaba: “ Thajba yaba mi adu marang kaina bor phanggani adubu inak khunnanaba hathu hathu thabak touriba mi adudi cheirak phangdana toukloi. (Proverbs 28:20).

Article by elimchurchgospel

Leave a comment