JULY 15 – Anlendaman Gijtabe!

“Hen Gamangtungan a d’ong abo langka do gugu raja-garobgob lingan a gobgob gijlai” (Jisaya 6:1).

Amben Kitungan ad’ong agijben dete. Amukka amben agijben dete. Amben ayimnaben abara do aganugu. Agante Kitungan ad’ong agijte, ambendaman gijle araptite.

Ambendaman agijben abmele, amben Kitungan ad’ong gijben dete. Jisaya Kitungan ad’ong gijle. Kun batte, anin gijle anindaman. Kanalkalan ayam anindaman galamdamnete, anin kun ayam. Anin galamdamnete anin aboi er marid atodan do basule er marid atodan amandranji batte.

Agante Kitungan amangba atanangte, anogandinam abogandite aman aboi pintumar. Kuddub posebiran, adermadan do ategoi er robjongdage asosobaranji anabsuijang dete. Anten asan, agante Kitungan atimangba atanangte dele denna, ambendaman abmele ganadlaman do sanaisainamji abmele galamte.

Agante ambendaman ajanardi agalamte, Kitungan amangba amada batte gudingba do ambendaman sadrigoidamanaba. Ajardina Kitungan d’ongben hanramte.

Bibolan gamte, “Hen langka do marid darakuna lingan basutai, bar janang palang uggar do lagad-j’e maran ampara basutai, yante gamle Hen lagad-j’e maran a janggardan, do palang uggar maran a uggaran abradutai” (Jisaya 57:15).

Agante Kitungan ad’ong maiten, a palang uggarnam do lagad-j’enam gijete. Yangam aman manaridlingan abasute ate gijte. Amadan batte a Garbern gijete.

Daudo gamete, “Palang uggaran Kitungan a janaja kanuban. Abyarj’e uggaran adnarde-e” (Sanenken 51:17). Amadan batte aedana anin agaja erramdangle adakune.

Durdi adaku asihin bangsagam gijle arapteben. Bindo ajar ajar durdisol gijle raptitaben uyungan atanar batte agante kuddub manengba tana’aranyirtai. Kun ambrij, pintun manglingben adakutenan batte gijle araptie.

Agante Kitungan atimangba agobte, Marid Janggardan a tana-ar manglingben yirtai do Anin d’ong lingben adaku apintu do kuddub er maridan ate abkzlkzlbenten. Kun ayam, Kitungan atemangling pintuben apingbaben abmele sayambente kuddub kanalkalan abayimle edanan batte do kuddub manaridan ayante.

Kinolbe absele: “E Kitung, d’ong-hen sanilsaijih do uggar-hen galama; d’ong-hen tungjengih do anogal-henji galama” (Sanenken 139:23).

Article by elimchurchgospel

Leave a comment