JULY 13 – Anablu a Denna!

“E Gamangtung, engale Aman mandra-Namji a d’ong asuyeman apsuite, ettele d’ong-hen janang ayima. Aman anablu-Nam batte mangba-hen iyai” (Sanenken 106:4).

Atanakud denna lingan ayengan a Kitung a pasijanji batte mainaben do anablu a d’onganji tiyte, mokasa. Gija yangam Daudo garberle gamete, “Aman anablu-Nam batte mangba-hen iyai”.

Atanakud denna lingan, ateng Kitungan a boantanji Kitungan abdile. Anablu ahanang, Kristun ayirta-hen ahanang do ranabraban ahanang kuddub manengba hanangan tiyleji. Atikki Marid Janggardan aganur kuddub desaban yir-rai. Kitungan abdile er disamdage a garber maranji do mandranji abkzlkzlte anin ayirta-hen abmele. Jisun gamete, “Do kan bangsa hanangan rajaman kuddub ordar lingan hanagan tiyba gamle iten asan gamlenden kuddub desanji sadkinaben dete, do atanakudan yirtai” (Mattiu 24:14). Bangsa hanangan kuddub manegba aduben ate bo arabmadan anin ayirtahen abmele.

Anlen agaja erogandi ualen kuddubayam abmele bangsa hanangbara lumte gamle. Anin aboi Income tax baralingan dakule. Yangle janang sorkar abaraling dakule. Bindo, agante Kitungan ad’onganji gudingle do kuddub ayam abmele abaranji aluben abmele bahete, aninji manileji. Kitungan abara awr gamle ad’onganji tiyeten aganle aninji kun ate lumle araptitenji ambrij. Anin Janggardandage akimbo-olan togal do tamba, anamna garberan dakule do bangsa hanang bara lumle.

Bibolan gamte, “Bar a jardin na Kitungan kun a kaneka ayam lingan elaigijten, bindo nami Anin ordaran a barij desan a kuddub mandranji a d’ong abyarij’enaba, gamle banaihan gadlamtenji” (Anappai 17:30). Apurba ayamanling a kaneka ayam. Purba jujulenji lanumudlingan dakuleji do kundaipurling dakuleji. Kitungan amandranji, bahira adesa saring orunglai do bangsa hanangan atiyben abmele sayametenji.

Bindo nami, amben agalamte Kitungan do Anin ayirta-hen abmele. Anten asan, pintubenji Jisu Kristun amihaman batte aganiyda daben dete, adeten ambrij pintunbenji penbaba do abaralingan surpidamnaba.

Eteja omdile adakudongne. Bogad bo demanda paddle atikki yerlen araptiyan adarakunaba. Kun ambrij, amben okiy ahage ayiretin adennaji. “….anlen jznjzn surda ranabraban puyinglabenden yan gamle abludamtanbe” (Ebri 2:3).

Tanahimdam Kitungan a onagji, amben agante ruangba ayirte, amben si’lingben ejaja hamle adyirre. Amben ajar ajar pwrardanji batte ayirben dete.

Kinolbe absele: “Gijba, nami kun tungna jana ardual daku, do nami kun ranabrab ayaman na” (2 Korintia 6:2).

Article by elimchurchgospel

Leave a comment