July 11 – Tungna-jana ardual lingan!

“Bindo ganarber-hen mangba-Nam daku. E Gamangtung, janaja ayam-ling-Nam d’ong-hen jalangih. E Kitung, barij asuyem-ling-Nam do ranabrab-Nam a janardi lingan d’ong-hen jalangih” (Sanenken 69:13).

Kan ayam-lingan asuyeman ayam bar ategoi Kitungan a ranabrab do asuyem yaryermangbaben dakkute. Kitungan asuyemdam. Jisun gamete, “Tungna-jana ardual lingan Hen bernanam amdanglai, do ranabrab ayam lingan Hen dardilam” (2 Korintia 6:2). Kan abmele iten Bibolan gamte. Kantaran enrang adua-hen adnang Kitungan gadlamaiten. Misordesalingan tungnadage do sarigoi janumjumanji dakkule gulji mihun abmele kantaran enrangadua-hen abmang.

Tungna-jana ayam-ling, Josep a ganadlaman batte, Paron kun ambrij lumeten do jandruman tartumleji. Ogandile giyba, Paron bogad kun ambrij adlumetenden atungna ayam-lingan iten ben dete kantaran ayam-ling. Anin do amandranji sihidtebaden-ben. Ejapo?

Atungna ayam-ling Kantaran aduaite. Kan ate Kitungan adgamadpo, “Gijba, ayengan a dinnan kan desa lingan Hen kantaran appaitai, kan ambrij a dinnan yertai. Antate janumjuman orde ganagan a kantaran ted bindo Gamangtungan a bernan amdangben a kantaran dete” (Amos 8:11). Anten asan, anlen ajaba ranabraban do asuyeman itente pwrardanlen abmel sanaisai atungna ayam-ling, Kitungan amang saring. Anappai Pol idol-le, “Do ayaman erszn asan a tam royong-ben ambrij bangsale baraba” (Episi 5:16).

Bo denna, bo dangda abumung tuabmarneten. Court ad’ongan kahidben asan oder tiyeten. Bindo, kun desa adane mar rabrable do anin aboi lanagad mar ganalaman dele. Dane maran kuddub akesun akambolan pngle do karojosingba mainaben abmele yireten.

Kunina ate atungna ayam do kun mandran abmele asuyeman adenna dakule. Bindo kun mandran ateng banraban batte dane maran alankaling koraling ayengan amandra aboi pastorong ambrij yiraite. Itente abanraban dakule kuddub dane maran amangling koraneten. Anin uailoge gamete, “Mang-hen saring yira. Hen aman d’ong-nam adnolagai, anin kuddub peporan redle ayegan dane maran apagaiten ate. Danuka batte dane maran dungle yirete.

Karojosingan a dane mar amangba yirai do gamle, “Iten asan kan ambrij aman birlen amang lingan? Aman agalamadpo anin dane mar gamle? Aman agalamadpo anin mangnam yiraite do tandiben asan?” mandran ateng dukadale, anin gamle, “atuabmarlinahen apanadradam abmele hen adukadahin bindo, ajardi na ate kan apanadradan abmele hen er tungna ayam lingan mang-hen yiraite”.

Kinolbe absele: “Anin mandranji batte anissin do anomda-an dele, Anin danukka-j’e mar do satid samoihan a galanten a mandra dele; bar butente saring mandran a mukkan absosote” (Jisaya 53:3).

Article by elimchurchgospel

Leave a comment