JULY 09 – Prabhubhakta Hezekiah laga!

2 Kings 20:3 “Oh Jehovah! Napahoribi ami pura mon di kena aru pura Biswas para apuni laga kam kurise,aru ki korile apuni khushi hoi ami itu hi kurise.” Aru tai bishi kandibole lagise.

Aji ami khan Raja Hezekiah laga prabhubhakta tu bhabna kuribo. Tai tu hoile Raja majote 13 ta ginti  te thakishe. Tai tu 25 sal thaka homoi te hi Raja hoishe. Tai tu hoile tinta raja majote ekta thakishe jun hi hosa aru sahi kure. Hezekiah laga motlob tu hoile, “Jehovah hi ami laga tagot ase.”

Raja Hezekiah laga prabhubhakta tu ki thakishe? Tai laga homoi te tai tu hoile murti puja kura bond kuri dishe, aru murti ke dan diya laga jaga khan bi sob bhangai dishe. Isrealites khan para sap laga murti pital para banai kena rakha bi bhangai dishe. Tai tu Isor ke kinika sheva kure aru mahima kure hosa mon aru atma para itu shikaishe.

Itu ekla nohoi kena. Tai tu alag hoi ja Isrealites khan ke bi milaise aru par hoi ja laga niom tu chodoh din laga khas banai kena manishe. Aru Chronicles laga tista path (30th chapter) te ami khan puribole pai ki tai kiman prabhubhakta thaki kena Isor ke morom kurishe.

Pobitro kotha te koi 2 Chronicles 31:20 “pura Judah deshte Raja Hezekiah inika hi kam korise juntu tai laga  Isor Jehovah laga usorte bhal aru thik ase.” 2 Kings 20:1 “olop homoi pichete Moab jatikhan laga sipoi khan tai khan laga sathi Meunite jati khan logote mili kena Jehoshaphat  logote lorai kuribole ahise.”

Isaiah 38:3 “Oh Jehovah napahuribi ami pura biswasi hoi kene aru pura mon di kene apuni laga kam khan kuri kene thakise aru apuni ki bhal lage ami itu kuribole kusis kurise .” aru tai bishi mon bikhai kena kandibo lagise.

Hezekiah laga prabhubhakta para Isor laga mon chuishe. Isor mon kurise Hezekiah tu kiman imandar aru hosa Raja thakishe tai laga pura jibon te. Isaiah 38:5 “Hezekiah logote wapas jabole aru taike kobole, “Ami apuni laga khandan laga baba David laga Isor Jehovah, apuni laga prathana ke hunise aru apuni laga suku pani ke dikhise ami apunike aru pondroh salt ok jinda thakibole dibo.

Oh Isor laga bacha khan, jitya apuni khan hosate aru imandar hoi kene Isor laga agete thakibo, tai apuni laga prathana hunibo. Aru apuni laga jinda thakibole laga din tu barhai dibo.

Aji bhabna kuribole laga pobitro kotha tu hoile Psalms 98:3 Jehovah para isreali khan ke morom dishe aru prithibi sob tu Isor para bachai diya tu dikhise.

Article by elimchurchgospel

Leave a comment