JULY 02 – Abraham laga prabhubhakta!

Gen 24:27 tai koishe, “Ami malik laga isor Jehovah laga naam ke uncha koribi, Jun para biswasi hoi kene amilaga ami laga malik laga ghor manukhan logote hi lok korai di ase.”

Isor toh biswaskorta ase aru tai tu tai laga bacha Khan para itu nabisare hoilebi prabhu bhakta mane faithfulness hi bisare. Isor toh Abraham laga prabhubhakta dikhi paishe jitya tai isor laga kotha manishe. Gen 12:1 Jehovah Abraham ke koishe, “apuni laga desh ke charibi aru apuni laga baba laga  ghorke charibi aru itu desh te jabi juntu desh ami apuni ke dikhabole ase.”

Aru Abraham manise. Kiman bi khatra thakishe pare poila laga din te jaga najani kene ulaija tu. Mon te bishi tagot thaki bo lage. Hoilebi Abraham toh prabhubhakta thakishe itu karone kotha manishe. Aru tai laga prabhu bhakta para hi ami khan sob laga mon jitishe. Tai laga prabhubhakta toh aru bi dangor hoishe jitya Issac ke Mount Moriah te Puja laga pathor te daan kuribo thakishe. Itu homoi te isor para Abraham laga Biswas toh janishe aru bishi khushi paishe.

Gen 24:27 tai koishe, “Ami malik laga isor Jehovah laga naam ke uncha koribi, Jun para biswasi hoi kene amilaga ami laga malik laga ghor manukhan logote hi lok korai di ase.”

Isor para Abraham ke chuni loishe Abraham laga khandan khan ke ashirbaad dishe.

Matthew 1:1 Jisu Krista laga khandan khan ineka ase, Jun David laga khandan pora aru Abraham laga khandan para ahishe. Isor tu tai laga biswasi khan logote hodai din Biswaskorta thake.

Oh Isor laga bacha Khan apuni Khan sob bi Abraham laga khandan khan ase toh. Apuni khan taike biswasi laga Baba mate toh. Apuni khan laga saman Khan sob paa tu Abraham laga khandan khan para hi paa ase toh. Itu karone apuni Khan bi Abraham nisina hi biswasi aru prabhukarta hobo lage toh.

Isor tu kitya bi duita rasta jaa manu, aru duita mon thaka manu bhal nalage.

Aji bhabna kuribo laga pobitro kotha tu hoile Nehemiah 9:8 apuni buji ase tai apuni logote biswasi ase koi kene, itu nimite apuni tai logote kotha milai ase. Apuni taike kosom khai kene koishe Canaan jati khan laga mati Khan, Hittite aru amorite jati khan laga mati Khan, perizzite, jebusite, aru girgashite jati khan laga sob mati Khan tai laga Khandan khan laga hoi jabo. Apuni ki koise ituke pura korise kile koile apuni biswasi ase.

Article by elimchurchgospel

Leave a comment