Appam - Nagamese

Jul 04 – TAI JUN HI PYASA ASE!

Revelation 22:17 aru hobole dibi Atma aru dulhan ke kobole, “Ahibi!” aru hobole dibi  tai ke jun hune kobole, “Ahibi!” aru jun pyas lage ahibole”.

Pobitro kotha laga ses kitab laga ses chapter  te, ami khan itu morom laga jankari ase Atma aru Dulhan pora. Hosa bi, pandit khan Purana Niom laga, pondit khan NOutn Niom laga, charta janwar, chaubista dangor aru hazar hazar duth khan Isor laga diye tai khan laga nimantran ami khan ke. Taikhan nimantran kore tai khan ke jun khan ke ashirbaad kurishe Baba Isor pora, hodai din laga anondo te.

Kiman bi adbhut ase itu janibole ki Pobitro Kotha tuses hoi ase inika nimantran pora! Kiman bi dangor alag ase itu Genesis aru Revelation laga kitab khan majote! Genesis te, amikhan pore Adam aru Eve laga kotha ki tai khan ke ulai dishe Eden laga bagh pora, aru ekta joli thaka laga tarwal bi rakhi dishe tai khan ghushibole napara laga khilaf te. Inika pora hi tai khan harai loishe Isor logote rishta, aru mahima Isor laga. Itu dukh laga daur manu khan laga juntu shuru hoishe ekta adesh pora ‘jai jabi’ koa te itya khushi pora ses hobo ekta sundor nimantran pora ‘ahibi’ koi kene pobitro kotha laga ses te. Hoilebi iman koth ghurai diya laga ki karan ase?

Ami khan laga Isor Jisu nichete ahishe prithibi te, Isor logote rishta thaka tu milabole, juntu manu khan pora harai loishe. Tai pora dishe ekta morom laga nimantran, itu koi kene: “Ahibi Ami logote, sob junkhan dukh aru bhari bhar buki ken ease,aru Ami pora apuni ke ahram dibo” (Matthew 11:28). Tai itu bi kosom dishe kiTai kitya bi nacharibo jun khan Tai laga usorte ahe. Jitya tai ke krus te dhalishe, Tai nijor laga jibon tyag kurishe, Tai laga duita hath khuli kene, jinika ami khan ke nimantran di thaka ahibo nimite. Itu karone pura swarg, Atma aru dulhan bi ami khan ke mati ase.

Itu nimantran swarg pora diya laga asekhali tai khan ke jun khan Isor ke bisare aru Tai khan pyas thake. Jitya apuni pore pura Pobitro Kitab, apuni khan dikhibo dangor ashirbaad tai khan ke ase jun khan  Isor ke biisare aru tai karone pyasa thake. Ki karon ase itu ahirbaad diya laga Jacob ke jitya Esau ke nidiya hoishe? Itu kilekoile Jacob pyasa thakishe aru bisarishe Isor ke. Tai bisarishe hak poila jonom laga aru tai laga baba laga ashirbaad ke. Hoilebi Esau itu ke icha koranai.

Psalms likha David pora koi: “jinika harin bisare pani laga rasta ke, inika hi ami laga mon Apuni ke, o Isor. Ami laga mon pyaas lage Isor karone, jinda Isor karone. Kitya ami ahibo aru thakibi Isor laga agete?”(Psalm 42: 1-2). Isor laga bacha khan, judi apuni bi inika icha kore apuni laga mon te, Isor pora hosa bi apuni laga pyasa ke mitabo, ahshirbaad koribo aru uthaidibo apuni ke.

Aji bhabna kuribole laga Pobitro Kotha tu hoile:  Isaiah 55:1 “ho! Sob manu khan jun pyas lage, ahe pani khan usorte; aru jun khan poisa nai, ahibi, kinibi aru khabi. Hoi, ahibi, kinibi phal laga sharbat aru duth bina poisa te aru bina kimat te.”

Leave A Comment

Your Comment
All comments are held for moderation.