AUGUST 29 – “CHELAVUN THAYYAR KARO”

Mathayi 28:19 Jethi tham jaan sey malkevalen chela karo….

“Chelan thayyar karo ” Kethanu Dev kojako aakharir aagna Yesu baapu paramen Gokoni jer aangaj vor chelavun dinojako agna. Hapanen sada Dev yeej agna Demelocha. Saasij Yesu Dever saaru chelavun jada thayyar karnu. Vo chelavuthi dharthi sari bharajavnu. Yedadem  Christhur  admidakhal karero sulabhamero kaam lapan  Yesur chelarnai karero bhaari velaro Kaamvencha.

Yesu Christhu chelavun thayyar karan “Tham maar laar avo” Kethanu balayo. Yesu baapu chelavun hannu thayyar kido kukan katho, Vor bharpur Jeevanethi, Pavithar kurenuko hunen sikhayo. Ajii hunen ku vinanthi karnuko sikhayo, hannoj prarthana karnuken sikhayo. Ye chelavo Yesu baapur laar ayevasu Gethsemane baagema velar dadema sada ku prarthana karnuken sikhyo. Vajji jada Pavithar katho kai, Pavitra jeevan bharpur ku banchanu  ken Yesu Christhu Vor jeevanema banchan ,von dekhan chelavo chaliyekethanu sikhayo. Yesu baapu saasij prem kassek rachko kaluvary Siluvaper maran ghano moto preethi katho kurachko dekhaloch.

Aajkal kathryiko Sevakareval bhodhan Karrech lapan hapner dall yen dekhach kai katho kun maar yadi baper sarik, yek bhaayinai prem kariye, kun aachethin Sathethi banchrecha ken dhoondacha. Varsek Bhodhavumathi hapner dall ken samalen yicha karachkatho kun aach gavayin Rakhalden prachaar Karrechaken. Jesaruj Yesu baapu chelavun tham chelavunaj thayyar karo ko lapan Christhu valen konthi.

Yesu baapu Vor sevan shuruu kidojanna 12 aadmi chelavun taalido, daad jathe jathe vo baar admi Sathar admi chelavege. Bhaari jaldin ye chelavo YEK SO VEES vege. Vachan kacha (Apostler kaam 6:7) “Dever vaath phelan, chelar leko Yerusalemema ann sari jagema ghano vege”. Yee chelavun thayyar karan hunden ajji jada chelavun thayyar karnu katho vachanerlaar aacho jeevano banchan,vachaneperaj bhandanu. Chelavun thayyar karero kajako yek rajer kota daakhal.Yesu Christhun bunadirnai rakhalden, kannai halveniju revaal jeevaner vathethi bhandanu.

Apostle Paul thayyar kidoje chelavuma Timothy ann Teethu Prathyekvaagi yethe. Jesaruj Paul Timothin lakkajanna (I Timothy 1:2) dekhancha Christhuma chijako Timothy ken kokoni lapan, “Viswasema saaso beta Timothy” Ken balarocha. Premer Dever beti betavo tham chelavun Devesaru thayyar karajanna Dever premathij karnu jannaj vo thon aathmikavagi beti Betarnai cha ken kelacha.

Aajer Dever vachan (Yohan 13:35) Tham yeken yek prem karatho, tham maar chela kan sey maalam karlacha kan ko.

Article by elimchurchgospel

Leave a comment