AUGUST 28 – TH U AYEJAKO VAATEMA

“Jana Ananiya vu gharema jaan, voper haath melan_bhaay Saul, thu ayojako vaatema thon darshan dinojako Prabhu Yesu, thu nanjar lenan, Pavithar Athmathi bharayena manna melocha kan ko” (Apostler kaam 9:17)

“Thu aayojako vaatema”  Kai chalichko ken Ananiya Apostle Paulen hardelaroch.Sauler nai Velaghalen aaro jen Dev kukan badlavni kidochko dekhacha. Damaskur vaatema aaroje Sauler gheran Asmanethi achanak vajaalo ayo. Vuj vagath Dev Saulen Pauler nai badlavni karnako.

Aaj thu kunas vaatema jarochi? Dever beti betavun vela ghalenke nathkan Deven dhukha den Jarochike? Saraper vaatema kai chalrochike? Dev thaar vaaten sammor karlenu ken yista karrocha.

 

Yek bhaay peesa kamayen Dubai javnu ken thayyar verotho, Vu jayer thodsek daader mundag Chennai ma chajako vor yek Dostidhar gharen bhalen go. Voth vor Dostidhar se bhalan vu daader raath samunder dai jaan prarthana karnuken thayyar verethe.  Yee bhaay sada hunethi bhalan prarthana karen go. Vossey bhalan prarthana karrejanna Pavithar Aathma jorethi huneper vutharan aayo. Dubai javanu ken thayyar vethojakoVu bhaay Athmathi ann Angarethi bharayo. Masaj vagath vo Athmar Abhishekmema hannoj bharan vethey. Thon malam ke aakharima kai chaliko? Peesa kamayen Dubai javanu keldojako vu bhaayir sochen badlavani karlen Dever sevakarena ann jannen Devesaru kamavnu ken vor jeevano Deven havaal karlido.

Thar vaaten seni Deven havaal karlen Deven adharam karla. Janna Dev thaar vaaten Abhivrudhin karacha. Athrajkoni thu yekloj chalesni lapan Devaj thaar sath rethanu chalacha. Moshey premerthi Yisrael jannen hanno ko, Dvithivopadesh kanda 1:31, 33

Tham ye jagen Avajethanu tham aayejako sevatema yek baap vor betan vuncho paldaju Dev thamen palden Ayokenthanu thamen maalam kunike. Rathema angarer nai vajalema modam ven, tham kath jathanu ghar bhadanuko thamen vaat dikhalo.

Premer Dever beti betavo thar jeevanema kathrayko aarijako velan dekhan DEVETHI cheti jarochike? Manna vishranthi malachke kethanu gabrarochike? Dever vatema ashathi hoto ajo. Janna Dev thon Pavithar vatema chalavacha.

Ajen Bibler vachan Yeshayya 52:12 Thar Prabhu thaar mundag chalacha. Yisraeler Dev thamar senar larer bhagema kaalvi racha.

Article by elimchurchgospel

Leave a comment