Aug 22 – Aman a barij ranadun batte ma Yera!

“Aman a barij ranadun batte ma yera do Midianaji a s’I linganji saring Israelanji a d’ong tandzai, Hen d’ong-nam er appai po?” (Bitsara 6:14).

Kitunganji a Kitung Iten a ranaptidam a janzbjzb tiyleling, ranapti Gamangtungan Israelan a ranapti? Kan ijajated bindo “Aman a barij ranadun batte ma Year.” U’u, Jisu Kristun a himlingan dungle do yirba. Kitungan amben ampara daku. a tanudu do a ranapti amben ampara yirtai. Kanalkal denaben takudte.

Nami, ateng mandranji dakukaling dakuji. Bo dena, Gidion danukalingan agobgob dakule. Midianaji asan, a beramaranji, amanglinganji daneleji. Ite lumlejija, aninji a beramaranji abanongtong ling lumleji. Gidion anogandi batte danukalingan dakule, “Bogad Kitungan anlen ampara dakulenden, iten asan anlen kudinabe? Uan daku Gamantungan, Jujulenji aoblinglayenji ate?”

Mandrengnalingben ja kanalkalan do kanuding yirtai. A jardina Kan ordarling danuka anlen abmele daku. Kitungan agaja danukalingan appidlangne. Bobardika abmele anin karidaleja, anin na surda sanabyem batte rukulante. Agante Gidion banantonglingan dakule, Gamangtungan ganudingan batte ranaptin tiyle gamle “Aman ranaptidam mar.” agante Gidion ranapti do ranadun abmele kudineten, Kitungan gamete, “Aman a barij ranadun batte ma Year.”

Bo surda baran lumte sonuman mandranji a d’ong banantongan a janggardan batte dakute. Kanalkalan batte banatongan; er hanangan batte banatongan; mandrengan abmele banatongan. Batongle Kitungan a mandranji a d’ong dakute. Bibolan gamte “Iten asan gamlenden Kitungan banantong janggardan attiylalen, osantan ranapti, tanimyim do bangsa banuddidam janggardan tiyiten” (2 Timoti 1:7).

Er tu-ulbe abmele a kudingdongne. Er hanangben abmele agaja kanalkalan mangleben ajadong. Kitungan amangba gijgijba. Yan a ranaptidam Anin! Anin timyimbenten do rabdubenten. U’u. Marid Janggardan mang-ling-ben yeraian a tiki amben ranaptin a hangte (Anappai 1:8).

Tanahimdam Kitungan a onagji, Kitungan a berna, mandrengna do janggardan janggardaben rabdute, d’ongan do pwrardan. Anappai Pol gamete, “D’ong-hen adraduten a Kristun batte kuddub baran rapti lumtai” (Pilippi 4:13). Ijapo?

Kinolbe absele: “Bara-namji Hen galam. Gija, mukkaba-nam anranzn sanangan aboi Hen dakkulai. Antate buteja rapti adnzngade. Aman asui ranaptin maih daku, gamle Hen galam, dele janang den aman berna-Hen mannele do ahim-Hen adsosolangnad” (Anabpungge 3:8).

Article by elimchurchgospel

Leave a comment