Aug 05 – Mariddam a Onan!

“Bar mang-ben saring daijing daijing mandranji ettegoi deleji. Bindo amben anabaran a dele, amben manaridan a dele, amben Gamangtung Jisun do Kitung-len a Janggardan batte ranoitad danisaman a hangle” (1 Korintia 6:11).

Jisun Kristun amang sattang manariddan daku. A Tanimyiman bailangten manarid-lingan a hanaben abmele. Agaja po agijle er marid maran, Jisun Kristun lapsolai tanimyiman batte madriben apsele.

Anten asan, pintun saring adnablu a tijben abmele Jisun Kristun a mihaman lae-ten. A mihaman batte pintunlenji manaridan dele. Kun batte marid delai. Butete maimaite Kristu a tanimyimam a berna manite. Anin agaja pitun-lingan m’oihnaben adnitsume. Anin Kitungan a d’ong omdrengle ordardage a baraling a magadde.

Bo dena, bo buhang bara abmele gamete, “Hen ayengan a bara ling daku kun a bara kuddub lingan mandran abmele mandrengna na. s’i-hin boihen a tanimyim asan hen marid lingan daku. Anin ateng timyimten. Agante asuten, togal do tamba anin sagale dakute, er dimadlingben sagalte. Anin a d’ongdaman saring d’onghen ateng murdam anten asan, j’e-ehen adnordie amanglingan ejaja alumben asan”.

Jisun Kristu a d’ong gijba. A tanimyiman Janggardadage anten asan Anindaman anlen abmele surpid-damlen. Bibolan gamte, “yante gamle Anin berna lingan d’an a abumanan batte antate abaran abarre abmarideten, yante gamle ranukkun iteja adilan, ranabodan, orde ettegoi a danusan er dakulabe, osantan mariddam, do er dasadage dean dele Anin a temangdamban ganugu panemengge, gamle rapti surpidte” (Episi 5:26,27).

Jisu Kristu kuddub tagoran sabrile do manarid-lingan ayirben abmele. Anin d’ongdage amandrengna janangan dakule agale bigdranji ja sandule raptiteji. Kun ambrij yamgam bigdanji sandungle marid deteji a sanandunganji batte. Bibolan gamte, “….engale Butente gundingtaben mariddam daku, ettele amben ja manannen a passijge a kuddub mandrenggod lingan mariddam deba” (1 Pitor 1:15).

Ateng jatinji maridan adjaeji, bindo bangsa tagoran do bangsa mandrengna Kristu-lingan daku. kalobori abaru amihaman batte butente manaridan dele anin bangsa mandrengna lingan daku. Jisu Kristun a Janggardadage a tanimyim manarid-lingan tagorbenten bar kristun gamle danisaman debente.

Kinolbe absele: “Bar sanabyu-tiy Kitungdaman barijloge abmaridbente, do Gamangtung-len Jisu Kristun a yertaian adnang amben a barij janggardan, pwrardan do d’ongan er dusadage ranabraban de-ete” (1 Tessalonikians 5:23).

Article by elimchurchgospel

Leave a comment