Aug 04 – Isor laga bhoi aru pobitrota!

Jude 1:1 Jisu Krista laga naukar aru Jude aru james laga bhai pora, taikhanke likhishe jun khan ke Isor matise junkhan pormeshwar baba laga morom pora jinda ase aru Jisu Krista laga Shakti pai ken ease.

Isor amikhan laga baba pora hi amikhan ke pobitro banai. Amikhan jitya bi Isor laga kotha bhabna kure tai laga hoshiyar aru bachan khan amikhan laga mon chui diye. Hoi tai moila hua tu biya pai aru sapha thaka hi bhal pai.

Apuni khan bi kuchis kuribi usor ahibole Isor laga aru aru nijor hi mehsoos kuribi. Apuni sapha aru pobitro hobole nijor hi mon jabo. Isor tu bishi tan ase. Judi apuni adha gorom adha thanda thake Isor tu apuni khan ke tai laga kam pora ulai dibo. Pobitro kotha te koi ki tai tu hodai din pap laga uporte khong uthi thake, hoilebi papi khan karone tai laga ekta bacha ke bali dibole pathaishe.

Tai tu ghin lage jun manu khan moila kam khan kure aru nijor laga gau laga icha te thake. Isor itu khan ke kobo, “jabbi ami pora dur, apuni khan jun niom te nathake.” Hoi tai tu jui nishina hi thake.

Jitya bi apuni khan Isor laga  pobitro tu bhabna kure, Isor laga bhoi tu apuni laga jibon te thakibole lage. Tai laga mahima tu alag achurit ase pobitro hua te. Exodus 20:20 moses koishe, “bhi nakuribi, Isor apuni khan ke khali porikha koribole hi ahishe aru tai laga kotha mani kene thakibole koi ase, tene hoile apuni khan pap nokoribo.”

Aji laga din te bishi biswasi khan pap te ase kile koile toh tai khan mon te Isor laga bhoi toh nai. Isor ke jani bole laga gyan tu taikhan logote nai. Tai khan laga suku pora aha laga din te tai khan Isor laga age te khara kuribo itu dikhibole napare. Inika hi Isor laga bhoi tu komti hoi ja  homoi te, pap aru ami khan laga jau laga icha khan tu jonom loi aru itu khan hi amikhan ke cholai thakie.

Apuni khan jiman Isor laga usorte kotha mani kene thakeibo, iman hi pap khan tu apuni laga jibon te komti hoijabo. Kile joseph tu pap kuribole paranai? Kile koile toh tai logote Isor laga bhoi tu thakishe. ​Aru itu Isor laga bhoi pora hi taike pap pora bachaishe. Genesis 39:9 tai amike pura takot cholai kene itu ghorke cholabole laga takot dishe aru apuni ke chari kene tai amike iku pora bi alag kori kene rakhianai. Tini hole kinika pora mi iman bia kam kori kene Isor laga agete pap kuribole paribo.”

Kun manu bi jun itu bhabna kure, “pobitro Isor amike sai ase. Kinika ami pap kori thakibo? Kinika ami Isor laga khong ke samna kuribo? Ki hobo judi tai amike tai laga suku pora ulai diye? Inika bhabna kura ma nu tu kitya bi pap nakuribo.

Oh Isor laga bacha khan, Isor laga bhoi aru taike honman kura ekla pora hi apunike pobitro banabole paribo. 2 corinthians 7:1 ami laga sathi khan, itu sob kosom ami logote korise. Itu nimite sob gao aru atma laga moila ke phelai kene, nijeke pobitro kori kene Isor ke bhoi kori kene thakibi.

Aji bhabna kuribole laga  pobitro kotha tu hoile, Leviticus 11:45  ami utu Jehovah ase, jun apuni khan laga Isor hobole nimite apuni khan ke Egypt pora ulai kene anise. Apuni khan pobitro hobole lage kile koile ami pobitro ase.

Article by elimchurchgospel

Leave a comment