Aug 03 – Sapha hua pobitro kotha pora!

2 timothy 3:16 pobitro kitab scripture laga sob kotha khan Isor pora hi koa ase aru hosake hikibole nimite kam ahe galti korile gali diye, galti khan ke thik kore aru bhal pora thakibo nimite hika.

Pobitro atma pora apuni khan ke mon khuli kene Scripture tu dishe. ​Kile dishe jane? 2 Timothy 3:16,17 pobitro kitab laga sob kotha khan Isor pora hi koa ase aru hosake hikibole nimite kam ahe galti korile gali diye, galti khan ke thik kore aru bhal pora thakibole nimite hikai. Itu hoi kene jun manu Isor laga kam korible ulai, tai pura jani kene aru thik pora dhurikene sob bhal kam khan koribole pare.

Isor laga scripture jitu kea mi khan pobitro kotha koi it utu hoile pap khan ke gale aru tai khan ke badly kore. Itu pora hi hosa thakibole shikai. Itu laga uporte hi Isor ke pobitro bonai. Yate ekta bishi dangor kotha ase, scripture aru pobitro laga majote. John 6:63 jibon atma pora ahe; mongso laga iku bi kam nai. Ami laga kotha khan sob atma laga kotha khan ase aru itu khan hi jibon ase.

Isor pora bishi kosom khan di kene ase pobitro kotha te ekjon manu pobitro hobo nimite. Jitya apuni itu khan lobo, sapha aru pobitro tu apuni logote nijor hi ulabo. Itu karone itu kosom khan tu bisws  pora lobi. Romans 6:14 pap apuni laga malik hobole nalage; kile koile apuni khan niom pora nohoi, Isor laga ashish pora jinda ase. John 8:36 itia apuni khan amike dikhise hoilebi amike apuni khan Biswas nakore, itu nimite ami apuni khan ke itu koi ase. Hebrews 10:14 tai ekbaar mori kene, sob pai kene hodai nimite pobitro koribole parise.

Jitya apuni pap ke lok pabo, pobitro kotha ke hath te lobi. Verse khan ke kobi.itu kobi ki pap apuni ke jitibo naparibo. Kobi, “ami Isor laga hath te ase jun amike ke pobitro kure, kunbi amike tai pora chni bo naparibo.” Satan nijor hi polabo.

Hebrews 4:12  Isor laga kotha ekdom tagot laga ase , aru jinda ase. Aru dui phine dhar thakia dao pora bi dhar ase. Itu amikhan laga hardi laga bhitorte thakia mangso khan ke kati kene mon laga atma par kori kene ulai. Ekta manu laga mon bhitorte ki ase aru ki lage sob ase. Proverbs 6:23 apuni laga kotha  tu ami laga theng karone ujala ase aru ami laga rasta laga ujala ase.

Oh Isor laga bacha khan, subha te joldi ithi kene, pobitro kotha ke poribi. Aru itu kotha ke hi apuni laga kotha hobo dibi. Itu kotha ke apuni laga jibon cholabole dibi. Aru khayal koribi ki judi apuni itu pobitro kotha khan ke loi ke din te cholai ase na nai, aru nijor ke itu kotha nishina hi bonabi.

Psalms 139:24 sabi amilaga bhitorte kiba bia khan thakile itu khan pora amike hatai kene amike apuni laga kitya bi khotom nuhobole laga rasta te loi jabi.

Article by elimchurchgospel

Leave a comment